শিলসাঁকোৰ উচ্ছেদ-(ড০ সন্দিপন তালুকদাৰ)
গুৱাহাটীৰ মাজভাগৰ শিলসাঁকো অঞ্চলৰ উচ্ছেদত হয়তো হেজাৰৰ ওপৰত মানুহ গৃহহাৰা হৈ পৰিছে। এই বছৰৰ ফেব্ৰুৱাৰী, মাৰ্চ মাহত বিশাল স্তৰত হোৱা উচ্ছেদ আৰু শেহতীয়াভাৱে ছেপ্তেম্বৰ মাহৰ ১/২ তাৰিখে হোৱা উচ্ছেদত সৰ্বস্বান্ত হোৱা মানুহবোৰ আৰু তেওঁলোকৰ অন্ধকাৰ ভৱিষ্যতৰ কাহিনীবোৰে হয়তো সংবেদনশীল সকলোকে জোকাৰি যাব।
উচ্ছেদৰ সপক্ষে চৰকাৰে কয় যে গুৱাহাটীৰ বানপানী সমস্যাৰ সমাধানৰ পথ হিচাপে এই পদক্ষেপ লোৱা হৈছে। আৰু তাৰ দোহাই দি গুৱাহাটী জলাশয় সংৰক্ষণ আইন ২০০৮ আইন বলবৎ কৰাৰ কথা কয়।
কিন্তু ভুক্তভোগী ৰাইজে কি কয়? ২০০৮ চনৰ আগত থিতাপি লোৱা মানুহৰ ঘৰো ভঙা হৈছে। তাৰোপৰি আগজাননী নিদিয়াকে ঘৰ ভঙাৰ কথা কৈছে, পুনৰসংস্হাপনৰ ব্যৱস্হা নকৰাকৈয়ে উচ্ছেদ কৰাৰ কথা কৈছে।
পিছে শিলসাঁকোৰ পৰা লোৱা ফটোবোৰে বা কি কয়?
ছবিয়ে কৈ যোৱা শিলসাঁকোৰ কাহিনী
শিলসাঁকোত বেলি মাৰ গ’ল
